| 1 | Liber est ille, qui progrediens in bellum, si viderit mulierem bonam aspectu, et depraedatus opes inimicorum suorum, repertam illic concupierit eam, demptis superfluis, et indumento captivitatis detracto, in uxorem sibi copulaverit, iam non servam, sed liberam (Deut. XXI, 10, 11); intelligit enim famulatui prudentiam et disciplinam non subiacere. |
| 2 | Ideoque Lex dicit: Non venumdabitur pecunia (Ibid., 14); omne enim pretiosum non est ea dignum. |
| 3 | Et Iob dicit: Attrahe sapientiam in interiora (Iob. XXVIII, 18). |
| 4 | Non illi comparabitur Aethiopiae topazion, quod auro habetur argentoque pretiosius. |